थबाङमा १५ दिने विशेष केन्द्रिय जनसेवा सरल शिविरको आज उद्घाटन

थबाङ गाविसमा राष्ट्रिय युवा जनस्वयमसेवक केन्द्रिय समितिद्धारा आयोजित विशेष केन्द्रिय जनसेवा सरल शिविर कार्यक्रमको उदघाटन भएको छ । आज उद्घाटन भएको शिविर १५ गते सम्म सञ्चालन हुनेछ । ७५ ओटै जिल्लाबाट आएका प्रतिनिधि हरुको उपस्थितिमा उदघाटन भएको शिविरले थबाङको उमाबि बिद्यालय भवन निमार्णमा २ कोठे बिद्यालयकोठा थप गर्नमा श्रमदान गर्ने, भवन विकास निमार्ण सँग सम्बन्धित काम गर्ने, सहिदपरिवार सँग भेटघाट गर्ने , समुदायको सामाजिक कार्यमा सहयोग गर्ने लगायतका उदेश्य राखेको छ ।
नेकपा माओबादी थबाङ गाउँ पार्टी र जिल्ला समितिको ब्यवस्थापनमा भएको शिविरको आयोजना राष्ट्रिय युवा जनस्वयमसेवक केन्द्रिय समितिले गरेको हो ।
राष्ट्रिय युवा जनस्वयमसेवक केन्द्रिय समिति अध्यक्ष उदय बाठाँ चलाउने दिपक को प्रमुख आथित्यतामा भएको कार्यक्रमको अध्यक्षता महासचिव नेपबहादुर चौधरीले गर्नुभएको थियो भने कार्यक्रमको सन्चालन रक्तिमले गर्नुभएको थियो । राष्ट्रिय युवा जनस्वयमसेवक मगरात राज्य समितिका संयोजक बिकिरणको स्वागत मनतब्य बाट शुरु भएको कार्यक्रममा नेकपा माओबादीका केन्द्रिय सदस्य अमर झाँक्री मगर संजीव , केन्द्रिय समित सल्लाहकार पुर्ण बहादुर रोकामगर गोरेदाई , नेकपा माओबादी का जिल्ला सेक्रेटरी केशबहादुर बाठाँमगर सुबास, सह–सेक्रेटरी जयप्रकास रोकामगर प्रताप, उमाबि थबाङका ब्यवस्थापन समित अध्यक्ष रेशम कुमार शाह लगायतको उपस्थिति रहको थियो । कार्यक्रमको उदघाटन दिपक र संजीवले संयुक्त रुपमा गर्नुभएको ।